Мюнхеннинг “Бавария” клуби вингери Кингсли Коман қишки трансфер ойнасида жамоани тарк этиши мумкин.
Мюнхенликлар ёзда франциялик футболчи билан хайрлашишга тайёр эди, бироқ у Саудия Арабистонидан келган таклифни рад этди. Журналист Кристиан Фалькнинг сўзларига кўра, "Бавария" ҳали ҳам Команни сотилиш учун номзод деб билади. Клуб раҳбарияти январь ойида 28 ёшли футболчига Англия Премьер-лигаси вакилларидан таклифлар тушишига умид қилмоқда. Футболчининг ўзи фақат Европанинг топ-клубига ўтишга тайёр.
Transfermarkt портали Кингсли Команнинг нархини 50 миллион еврога баҳолаган.
