"Marsel" prezidenti Pablo Longoriya hujumchi Meyson Grinvud haqida o‘z fikrini aytdi.
Iyul oyida fransuz klubi angliyalik futbolchini "Manchester Yunayted"dan sotib oldi va transfer uchun 30 million yevro to‘ladi.
Hujumchi yangi jamoasida ajoyib o‘yin ko‘rsatmoqda: Liga 1ning dastlabki uchta o‘yinida u beshta gol urdi.
Angliya terma jamoasining vaqtinchalik bosh murabbiyi Li Karsli yaqinda Grinvudni ajoyib o‘yinlariga qaramay, terma jamoaga taklif qilish haqida o‘ylamaganini tan oldi.
"Men hammani hurmat qilganim uchun bunday mavzuda – Grinvudning Angliya terma jamoasiga chaqirilmagani haqida gapirishni istamayman.
Men Meysonning Fransiya va "Marsel"da nima qilayotgani haqida gapirishni afzal ko‘raman. Biz uning bu yerdagi dastlabki haftalardagi o‘yinidan juda mamnunmiz.
U o‘zini namunali tutadi va biz uning jamoamizda o‘ynayotganidan juda xursandmiz", - dedi «Marsel» rahbari.
