"Марсель" президенти Пабло Лонгория ҳужумчи Мэйсон Гринвуд ҳақида ўз фикрини айтди.

Июль ойида француз клуби англиялик футболчини "Манчестер Юнайтед"дан сотиб олди ва трансфер учун 30 миллион евро тўлади.

Ҳужумчи янги жамоасида ажойиб ўйин кўрсатмоқда: Лига 1нинг дастлабки учта ўйинида у бешта гол урди.

Англия терма жамоасининг вақтинчалик бош мураббийи Ли Карсли яқинда Гринвудни ажойиб ўйинларига қарамай, терма жамоага таклиф қилиш ҳақида ўйламаганини тан олди.

"Мен ҳаммани ҳурмат қилганим учун бундай мавзуда – Гринвуднинг Англия терма жамоасига чақирилмагани ҳақида гапиришни истамайман.

Мен Мэйсоннинг Франция ва "Марсел"да нима қилаётгани ҳақида гапиришни афзал кўраман. Биз унинг бу ердаги дастлабки ҳафталардаги ўйинидан жуда мамнунмиз.

У ўзини намунали тутади ва биз унинг жамоамизда ўйнаётганидан жуда хурсандмиз", - деди «Марсель» раҳбари.