“Real” Vinisius Juniorning o‘yinida pasayish bo‘lganidan xavotirda.
2024/25 yilgi mavsumda vinger 7 o‘yinda maydonga tushib, bitta golga mualliflik qildi, u ham “Las-Palmas” darvozasiga penaltidan urildi. Uning zarbalar aniqligi 9 foizgacha tushdi.
AS nashrining xabariga ko‘ra, klubni nafaqat futbolchining statistik ko‘rsatkichlari, balki uning “o‘yindan zavqlanmasligi va maydonda o‘ziga xos xarakterini ko‘rsatmayotgani” ham xavotirga solmoqda.
“Real” rahbariyatining fikricha, Vinisiusning o‘yinidagi pasayishlar Saudiya Arabistonidan bo‘lgan taklif tufayli tushib ketgan. Saudiyaliklar futbolchi uchun yiliga 350 million yevro to‘lashga tayyorligini ma’lum qilgan. Shuningdek, irqchilik bilan bog‘liq muammolar ham unga jiddiy ta’sir o‘tkazgan degan fikrlar mavjud. Undan tashqari futbolchining 2030 yilgi Jahon Chempionati mezbonligi Ispaniyadan olib qo‘yilishi kerakligi haqidagi gaplari katta bahslarga sabab bo‘lgan.
Braziliyalik futbolchi 2018 yildan buyon “Real Madrid” sharafini himoya qilib kelmoqda.
