"Tottenxem" futbolchisi Jeyms Meddison kimni Angliya Premyer-ligasi tarixidagi eng yaxshi yarim himoyachisi deb bilishini aytdi.
27 yoshli "shporlar" yarim himoyachisi "Liverpul" afsonasi Stiven Jerrardni alohida ta’kidlab o‘tdi.
"Menimcha, u Premyer-ligadagi barcha davrlarning eng yaxshi yarim himoyachisidir. U mukammal yarim himoyachi edi, u hamma narsaga qodir edi", - deya Meddisonning so‘zlarini keltiradi ingliz OAVlari.
Stiven Jerrard Angliyadagi yagona klubi “Liverpul” safida 700 dan ortiq o‘yinda maydonga tushdi. 2015 yilda u "Los-Anjeles Gelaksi"ga ko‘chib o‘tdi va bir yarim yildan so‘ng butsalarini mixga ildi. Jerrard hozirda Saudiya Arabistonining “Al-Ittifoq” klubi bosh murabbiyi lavozimida ishlab kelmoqda.
