«Manchester Siti» yarim himoyachisi Rodri Ernandes Londonning «Arsenal» jamoasi bilan Angliya Premyer-ligasidagi raqobat haqida gapirdi.
Eslatib o‘tamiz, so‘nggi ikki mavsumda chempionlik uchun kurashda aynan «kanonirlar» «shaharliklar»ning asosiy raqibi bo‘lishgan.
«O‘ylaymanki, ular so‘nggi ikki yil ichida katta tahdid bo‘ldi. Ko‘ramiz, «Arsenal» bu mavsumda qanday o‘yin ko‘rsatadi. Ikki yil davomida bu darajada bo‘lganingizda, barqarorlikni saqlab qolish qiyin. «Arsenal» bizni eng yaxshi o‘yin ko‘rsatishga undamoqda», - dedi ispaniyalik tayanch yarim himoyachi.
