«Манчестер Сити» ярим ҳимоячиси Родри Эрнандес Лондоннинг «Арсенал» жамоаси билан Англия Премьер-лигасидаги рақобат ҳақида гапирди.

Эслатиб ўтамиз, сўнгги икки мавсумда чемпионлик учун курашда айнан «канонирлар» «шаҳарликлар»нинг асосий рақиби бўлишган.

«Ўйлайманки, улар сўнгги икки йил ичида катта таҳдид бўлди. Кўрамиз, «Арсенал» бу мавсумда қандай ўйин кўрсатади. Икки йил давомида бу даражада бўлганингизда, барқарорликни сақлаб қолиш қийин. «Арсенал» бизни энг яхши ўйин кўрсатишга ундамоқда», - деди испаниялик таянч ярим ҳимоячи.