«Manchester Siti» hujumchisi Erling Xoland Angliya Premyer-ligasi tarixida bir mavsumda dastlabki to‘rtta turda to‘qqizta gol urgan birinchi futbolchi bo‘ldi. Bu haqda "Squawka" xabar bermoqda.
Bugun, 14 sentyabr kuni Angliya Premyer-ligasining 4-turi doirasidagi o‘yinda «Manchester Siti» o‘z maydonida «Brentford»ni qabul qilib, 2:1 hisobida g‘alaba qozondi. Jamoalar Manchesterdagi «Etihad» stadionida o‘ynashdi. «Manchester Siti»ning ikkala goliga ham Erling Xoland mualliflik qildi. U avvalroq joriy mavsumda ikkita xet-trik qayd etgandi.
