Yarim himoyachi Joshua Kimmixning kelajagi bahsli mavzu bo‘lib qolmoqda. Futbolchining "Bavariya" bilan amaldagi shartnomasi kelasi yozgacha amal qilishini hisobga olsak, bu ajablanarli emas.
Kimmix uzoq vaqtdan beri "Real" va "Barselona" bilan bog‘lanib kelmoqda. 29 yoshli futbolchi Kataloniya klubiga o‘tishni afzal ko‘rayotgani haqida ma’lumotlar ham bor edi. Shu bilan birga, Kimmixning oldida boshqa variant bor - Todofichajes ma’lumotlariga ko‘ra, nemis "Atletiko"ning radarida. Madrid jamoasi allaqachon Joshuaning agenti bilan bog‘lanishgan.
