«Inter» yozgi transfer uchun hozirdanoq rejalarni ishlab chiqmoqda. "Calciomercato" o‘z sahifalarida xabar berishicha, milanliklar klubi «Lill»dan hujumchi Jonatan Devidni transfer qilishni rejalashtirmoqda. "Neradzurrilar" kanadalik futbolchini erkin agent sifatida tekinga olmoqchi. 24 yoshli Devidning Liga 1 klubi bilan amaldagi shartnomasi 2025 yilning o‘rtalariga qadar amal qiladi.

Umuman olganda, Jonatan Devid «Lill» safida 191 ta rasmiy o‘yin o‘tkazib, 87 ta gol urgan va sheriklariga 20 ta golli uzatma bergan. "Transfermarkt" portali ekspertlari kanadalik hujumchini 50 million yevroga baholamoqda.