«Интер» ёзги трансфер учун ҳозирданоқ режаларни ишлаб чиқмоқда. "Calciomercato" ўз саҳифаларида хабар беришича, миланликлар клуби «Лилль»дан ҳужумчи Жонатан Дэвидни трансфер қилишни режалаштирмоқда. "Нерадзуррилар" канадалик футболчини эркин агент сифатида текинга олмоқчи. 24 ёшли Дэвиднинг Лига 1 клуби билан амалдаги шартномаси 2025 йилнинг ўрталарига қадар амал қилади.
Умуман олганда, Жонатан Дэвид «Лилль» сафида 191 та расмий ўйин ўтказиб, 87 та гол урган ва шерикларига 20 та голли узатма берган. "Transfermarkt" портали экспертлари канадалик ҳужумчини 50 миллион еврога баҳоламоқда.
