Gresiyaning AEK klubi hujumchi Antoni Marsyal bilan shartnoma imzolaydi.

"Manchester Yunayted"ning sobiq hujumchisi allaqachon Afina klubiga og‘zaki rozilik bergan. Jurnalist Sebastyan Denisga ko‘ra, o‘tish jarayoni 24 soat ichida yakunlanishi mumkin. 28 yoshli futbolchining shartnomasi 2027 yilning o‘rtalariga qadar mo‘ljallangan bo‘lib, yiliga 2,5 million yevro maosh oladi.

Antoni Marsyal 2015 yildan buyon “Manchester Yunayted”da o‘ynab kelmoqda. Oxirgi mavsum yakuniga ko‘ra, “qizil iblislar” fransiyalik futbolchi bilan shartnomani uzaytirmaslikka qaror qilishdi. U iyul oyida erkin agentga aylandi.

Marsyal mankunianliklar safida 317 ta o‘yinda maydonga tushib, 90 ta gol va 47 ta golga assistentlik qilgan.