"Napoli" sport direktori Jovanni Manna gruziyalik yarim himoyachi Xvichi Kvarasxeliyaning kelajagi haqidagi rejalari bilan o‘rtoqlashdi.
“Xvichaning shartnomasi yana uch yilga amal qiladi. Bu futbolchini o‘z safiga qo‘shib olmoqchi bo‘lgan klublar bor, lekin biz u bilan shartnomani uzaytirish niyatidamiz. Hozir klub bu masala bo‘yicha uning agentlari bilan bog‘lanmoqda", - dedi klub xodimi.
Kvarasxeliyaning neapolliklar klubi bilan tuzilgan mehnat shartnomasi 2027 yilning yoziga qadar mo‘ljallangan. Uning transfer narxi 80 million yevroga baholanmoqda.
