"Наполи" спорт директори Жованни Манна грузиялик ярим ҳимоячи Хвичи Кварацхелиянинг келажаги ҳақидаги режалари билан ўртоқлашди.
“Хвичанинг шартномаси яна уч йилга амал қилади. Бу футболчини ўз сафига қўшиб олмоқчи бўлган клублар бор, лекин биз у билан шартномани узайтириш ниятидамиз. Ҳозир клуб бу масала бўйича унинг агентлари билан боғланмоқда", - деди клуб ходими.
Кварацхелиянинг неаполликлар клуби билан тузилган меҳнат шартномаси 2027 йилнинг ёзига қадар мўлжалланган. Унинг трансфер нархи 80 миллион еврога баҳоланмоқда.
