"Barselona" markaziy himoyachisi Inigo Martines mavsum oxirida jamoani tark etishi mumkin, chunki uning shartnomasi yozda tugaydi. Biroq ispaniyalikning klub bilan shartnomasi avtomatik tarzda uzaytirilishi mumkin.
Sport.es xabariga ko‘ra, agar Martines ushbu mavsumda "Barselona"ning kamida 60% o‘yinlarida 45 daqiqadan ko‘proq vaqtni maydonda o‘tkazsa, uning shartnomasi avtomatik ravishda yangilanadi.
Inigo o‘tgan yozda sotilishi mumkin edi, ammo Flik bu mavsumda "Barselona"da asosiy bo‘lgan markaziy himoyachining ketishiga to‘sqinlik qildi.
