Londonning "Arsenal" jamoasi asosiy o‘yinchilarni o‘z tarkibida saqlab qolmoqchi. Ulardan biri markaziy himoyachi Gabriel Magalyans bo‘lib, u Mikel Arteta jamoasida 2020 yildan beri o‘ynamoqda.
Jurnalist Fabrisio Romanoning xabariga ko‘ra, "kanonirlar" Magalyansga yangi shartnoma taklif qilmoqchi. 26 yoshli markaziy himoyachining amaldagi shartnomasi 2027 yilning yozida yakuniga yetadi.
"Arsenal"ning so‘nggi o‘yinida Magalyans "Tottenxem"ga qarshi safar derbisida gol urdi va jamoasiga g‘alaba keltirdi. "Kanonirlar" mavsum boshida mumkin bo‘lgan 12 ochkodan 10 ochko to‘plashdi.
