Лондоннинг "Арсенал" жамоаси асосий ўйинчиларни ўз таркибида сақлаб қолмоқчи. Улардан бири марказий ҳимоячи Габриэль Магальянс бўлиб, у Микель Артета жамоасида 2020 йилдан бери ўйнамоқда.
Журналист Фабрицио Романонинг хабарига кўра, "канонирлар" Магальянсга янги шартнома таклиф қилмоқчи. 26 ёшли марказий ҳимоячининг амалдаги шартномаси 2027 йилнинг ёзида якунига етади.
"Арсенал"нинг сўнгги ўйинида Магальянс "Тоттенхэм"га қарши сафар дербисида гол урди ва жамоасига ғалаба келтирди. "Канонирлар" мавсум бошида мумкин бўлган 12 очкодан 10 очко тўплашди.
