"Бавария"нинг 29 ёшли дарвозабони Александр Нюбель катта эҳтимол билан ёзги трансфер ойнасида жамоани тарк этади. Бу ҳақда таниқли журналист Флориан Плеттенберг хабар бермоқда. Германиялик посбон жорий мавсумни "Штутгарт" сафида ўтказмоқда.
Манба берган маълумотларга кўра, муваффақиятли мавсумга қарамай, Нюбель ижарадан қайтганидан кейин "Бавария"да қолмайди. Мюнхен гранди дарвозабонни сотиб юбормоқчи ёки сотиб олиш ҳуқуқи билан яна ижарага бериш ниятида.
Нюбельнинг "Бавария" билан амалдаги меҳнат шартномаси 2030 йилнинг ўрталаригача мўлжалланган. Агар манбага ишонадиган бўлсак, унинг клубдаги йиллик иш ҳақи тахминан 11-12 миллион еврони ташкил этади. Transfermarkt портали мутахассислари Нюбелнинг трансфер баҳосини 12 миллион еврога баҳолашмоқда.
