Миланнинг «Интер» клуби ҳимоячиси Алессандро Бастони жамоада қолиш фикрига тобора кўпроқ мойиллик билдирмоқда. Бу ҳақда Gazzetta dello Sport нашри хабар тарқатди.
Манба берган маълумотларга кўра, «Барселона» томонидан бўлаётган кучли қизиқишга қарамай, Бастони «Интер»да қолиши мумкин. Сўнгги ҳафталарда футболчининг жамоадан кетиш иштиёқи анча совиди. Яқин вақт ичида Милан клуби раҳбарияти ҳимоячи билан шартномани узайтириш бўйича музокараларни бошлашни режалаштирмоқда.
Жорий мавсумда Бастони барча турнирларни инобатга олган ҳолда 40 та учрашувда майдонга тушди, иккита гол урди ва ўз ҳисобига олтита маҳсулдор узатмани ёздириб қўйди.
