Milanning «Inter» klubi himoyachisi Alessandro Bastoni jamoada qolish fikriga tobora ko‘proq moyillik bildirmoqda. Bu haqda Gazzetta dello Sport nashri xabar tarqatdi.
Manba bergan ma’lumotlarga ko‘ra, «Barselona» tomonidan bo‘layotgan kuchli qiziqishga qaramay, Bastoni «Inter»da qolishi mumkin. So‘nggi haftalarda futbolchining jamoadan ketish ishtiyoqi ancha sovidi. Yaqin vaqt ichida Milan klubi rahbariyati himoyachi bilan shartnomani uzaytirish bo‘yicha muzokaralarni boshlashni rejalashtirmoqda.
Joriy mavsumda Bastoni barcha turnirlarni inobatga olgan holda 40 ta uchrashuvda maydonga tushdi, ikkita gol urdi va o‘z hisobiga oltita mahsuldor uzatmani yozdirib qo‘ydi.
