Yevropa futbolida Chempionlar ligasining guruh bosqichi o‘yinlari bo‘lib o‘tyapti. Bugun “Manchester Siti” o‘z maydonida “Inter”ni qabul qilib durang o‘ynadi.
Italiya jamoasi ustozi Simone Indzagi o‘yinning bu natijasidan xursandligini yashirishga ham urinmadi.
"Futbolchilarimni maqtadim, ular ajoyib edi. Men ulardan aynan shunday spektaklni so‘radim. "Siti"ning naqadar dahshatli ekanligini barchangiz bilasiz. Lekin bizda imkoniyatlar bo‘ldi, ularni yaratdik, biroq bir holatda darvozabon raqibga yordam berdi, boshqasida futbolchilarim xato qilishdi. Ammo, jamoa sifatida biz ajoyib ishladik", - deya Indzagi so‘zlarini keltiradi fcinter1908.it.
