Krishtianu Ronaldu 2023-yil boshidan buyon “An-Nasr” safida to‘p tepmoqda.

Bu vaqt ichida matbuotda bir necha bor Ronalduning Saudiya klubidagi roli faqat maydondagi o‘yinlari bilan cheklanmagani haqida ma’lumotlar paydo bo‘ldi - portugaliyalik ham ba’zi qarorlarni qabul qilishda ishtirok etadi.

Endi "An-Nasr" bu haqiqatan ham shunday ekanini tan oldi.

"Krishtianu Ronaldu klubni nazorat qilmaydi, lekin shubhasiz, u dunyoda birinchi raqamli bo‘lgani uchun bizga qanday yo‘l tutishimiz kerakligini va qanday maqsadlarga erishishimiz kerakligini ko‘rsatib beradi.

Ronaldu g‘olib. Biz undan bizga ham g‘alaba qozonishni o‘rgatishini so‘radik. Biz unga ishonishimizdan xursandmiz", dedi "An-Nasr" bosh direktori.