«So‘g‘diyona» – «Andijon» (1:1) o‘rtasidagi uchrashuvdan keyingi matbuot anjumanining dastlabki qismida mehmonlar bosh murabbiyi Aleksandr Xomyakov ishtirok etdi.

«Etarlicha qiyin o‘yin bo‘ldi. Jamoamiz inqiroz holatida edi. Biz ushbu qiyin vaziyatdan chiqib ketishga harakat qilyapmiz. Ba’zi vaqtlarda xissiyotlarga berilyapmiz. Yigitlarga qanday holatda turganimizni yaxshi his qilishgani va bundan chiqib keta olganliklari uchun rahmat aytaman.

Albatta, og‘ir uchrashuvlarni o‘tkazyapmiz. Adashmasam, bu bizning ikkinchi davradagi dastlabki ochkoimiz hisoblanadi. Yana bir bor futbolchilarga o‘zlarini qo‘lga olib, hisobni tenglashtirishgani uchun minnatdorchilik bildiraman. Keyingi o‘yinlarda yanada yaxshiroq harakat qilamiz, deb umid qilaman».