Superliganing 19-turidan o‘rin olgan «Olimpik» - «Dinamo» (0:3) uchrashuvidan so‘ng olimpiyachilar bosh murabbiyi Denis Korostichenko matbuot anjumanida ishtirok etdi.

O‘yin haqida

- Og‘ir o‘yin bo‘ldi. Uchrashuvning ikkita taymi bir-biridan farqli o‘tdi. Birinchi bo‘limda vaziyatlar yaratdik, biroq foydalana olmadik. Ikkinchi bo‘lim mehmon jamoa faolligi ostida o‘tdi va ijobiy natija ular tomonida bo‘ldi. «Dinamo» jamoasini g‘alaba bilan tabriklayman.

- «Olimpik» o‘yinlarda ikkita bo‘limni bir xil tempda ushlay olmayotganiga sabab nima?

- Birinchidan, bizga tajriba yetishmayapti. Yosh futbolchilar har doim bir xil tempda o‘ynashi qiyin. Kurashlarga kirishishda turlicha vaziyatlarga duch kelayapmiz, masalan ba’zan tez, yoki ba’zida juda sekin harakat qilayapmiz. Xatolar bor, yigitlar yosh, tajriba eng muhimi.

- «Olimpik»da avvalgi ruhiyat saqlanib qolgan. O‘sha Kapadze davrida ham jamoa har qanday vaziyatda ishonch bilan harakat qilardi. Jamoa murabbiylar shtabida ishlaganingiz hozirga kelib ham foyda berayaptimi?

- Ha, biz avval klub murabbiylar shtabida ishlaganmiz. Jamoa uslubini saqlab qolganmiz, kartina o‘sha. Olimpiya terma jamoasiga asosiy nomzod futbolchilar bilan ishlayapmiz. Jamoa maqsadi va ambisiyalari o‘zgarmaydi.