Germaniya Bundesligasining 4-turida Myunxenning “Bavariya” klubi safarda “Verder" ustidan, 5:0 hisobida g‘alaba qozondi. Mehmonlar ustozi Vensan Kompani ushbu o‘yin haqidagi fikrlari bilan o‘rtoqlashdi.

"Bundesligada mehmonda g‘alaba qozonish har doim qiyin. Bundan yaxshiroq o‘yin so‘ramasdim. Yigitlar o‘zlarini zo‘r ko‘rsatishdi. O‘yinimizdan mamnunman. "Bavariya" haqli g‘alabaga erishdi. Jamoa yaxshi holatda ekanligidan xursandman", - deya xabar beradi klub matbuot xizmati.

Bundesliganing to‘rt turidan so‘ng "Bavariya" turnir jadvalida birinchi o‘rinda bormoqda.