Kataloniyaning "Barselona" klubi darvozaboni Mark-Andre ter Shtegen jiddiy jarohat oldi, shu sababli u bir necha oyni o‘tkazib yuborishga majbur bo‘ladi. Bu haqda "ko‘k-anorranglilar" rasmiy saytida ma’lum qilishdi.

"Barselona" Ter Shtegenning necha oyni o‘tkazib yuborishini aniq aytmagan. Avvalroq matbuotda nemis futbolchisi olti oyni o‘tkazib yuborishi mumkinligi haqida xabar berilgandi. Mark operasiyadan o‘tishi kerak, shundan so‘ng futbolchining tiklanishi uchun vaqt kerak bo‘ladi.

Xabar qilinishicha, "Barselona" Ter Shtegenning jarohati tufayli tez orada transfer bozoriga kirib, erkin agent sifatida mavjud bo‘lgan darvozabonni o‘z safiga taklif qilishi mumkin.