Каталониянинг "Барселона" клуби дарвозабони Марк-Андре тер Штеген жиддий жароҳат олди, шу сабабли у бир неча ойни ўтказиб юборишга мажбур бўлади. Бу ҳақда "кўк-анорранглилар" расмий сайтида маълум қилишди.
"Барселона" Тер Штегеннинг неча ойни ўтказиб юборишини аниқ айтмаган. Аввалроқ матбуотда немис футболчиси олти ойни ўтказиб юбориши мумкинлиги ҳақида хабар берилганди. Марк операциядан ўтиши керак, шундан сўнг футболчининг тикланиши учун вақт керак бўлади.
Хабар қилинишича, "Барселона" Тер Штегеннинг жароҳати туфайли тез орада трансфер бозорига кириб, эркин агент сифатида мавжуд бўлган дарвозабонни ўз сафига таклиф қилиши мумкин.
