Super og‘ir vazn toifasida sobiq mutlaq Jahon chempioni, amerikalik Mayk Tayson hamyurti Terens Krouford hamda meksikalik Saul Alvares o‘rtasidagi ehtimoliy jang haqida gapirdi.
"Menga Kanelo — Krouford jangi g‘oyasi yoqmayapti. Krouford uchun bu juda ham katta vazn hisoblanadi. Terens so‘nggi raqibi Isroil Madrimov bilan ham teng jang olib bordi, chunki u katta va noqulay raqib edi. Krouford Madrimov bilan jang qilmasligi kerak edi", dedi Tayson.
Eslatib o‘tamiz, Terens Krouford hamda Isroil Madrimov jangi 4 avgust kuni bo‘lib o‘tgan edi. Bellashuvda amerikalik bokschi ochkolar hisobiga ko‘ra g‘olib deb topilgan edi.
