"Bavariya" futbolchisi Tomas Myuller o‘zi bilan birga o‘ynagan hujumchilar haqida fikr bildirdi. Jurnalistlar 35 yoshli germaniyalik futbolchidan hozirgi jamoadoshi Xarri Keyn o‘zi bilan birga o‘ynagan eng yaxshi hujumchi, deb so‘rashdi.
"Bu eng yaxshi bo‘lish haqida emas. Qaysi hujumchi jamoaga ko‘proq mos keladi, kim aniq raqibga nisbatan yaxshiroq, lekin hamma narsada kim eng zo‘r ekanligi haqida so‘rashingiz mumkin.
Har bir inson bir-biridan biroz farq qiladi. Ba’zilar ajoyib driblingga ega bo‘lishi mumkin, boshqalari tezroq yugurishi mumkin. Shubhasiz, bu jihatlari bo‘yicha Keyndan ustunroq bo‘lgan futbolchilar bor, lekin hujumni oyoqlari bilan ham, boshi bilan ham tugatishga kelganda, Xarridan yaxshiroq hech kim yo‘q, u eng yuqorida", — dedi Myuller.
