Braziliya terma jamoasining sobiq yarim himoyachisi Kaka o‘zining sobiq jamoasi «Milan»ning bu mavsumda Skudetto uchun kurashish imkoniyatlarini baholadi.
«Milan derbisida jamoa «Liverpul» bilan sodir bo‘lgan voqeani o‘zgartirdi. «Inter» ustidan qozonilgan g‘alaba ajoyib javob bo‘ldi. Agar Fonseka shogirdlari shunday o‘ynashda davom etsa, unda oltin medallarni qo‘lga kiritish imkoniyati bor. Derbida men natija uchun kurashayotgan jamoani ko‘rdim», - dedi braziliyalik sobiq futbolchi.
Italiya chempionatining besh turi yakunlariga ko‘ra, «Milan» sakkiz ochko jamg‘arib, turnir jadvalida yettinchi o‘rinni egallab turibdi.
