Бразилия терма жамоасининг собиқ ярим ҳимоячиси Кака ўзининг собиқ жамоаси «Милан»нинг бу мавсумда Скудетто учун курашиш имкониятларини баҳолади.

«Милан дербисида жамоа «Ливерпуль» билан содир бўлган воқеани ўзгартирди. «Интер» устидан қозонилган ғалаба ажойиб жавоб бўлди. Агар Фонсека шогирдлари шундай ўйнашда давом этса, унда олтин медалларни қўлга киритиш имконияти бор. Дербида мен натижа учун курашаётган жамоани кўрдим», - деди бразилиялик собиқ футболчи.

Италия чемпионатининг беш тури якунларига кўра, «Милан» саккиз очко жамғариб, турнир жадвалида еттинчи ўринни эгаллаб турибди.