"Tottenxem" hujumchisi Dominik Solanke jamoasining Yevropa ligasi doirasida "Qorabog‘"ga qarshi o‘yindagi (3:0) harakatlaidan mamnun.

7-daqiqada "shporlar" kamchilikda qoldi - himoyachi Radu Dragushin qizil kartochka oldi. Shunga qaramay, Ange Postekoglu shogirdlari mehmonlar darvozasiga javobsiz uchta gol urishdi.

"G‘alaba qozonganimdan xursandman, yigitlar bor kuchlari bilan kurashdilar. Uchrashuv juda qiyin kechishi mumkin edi, chunki biz o‘n kishi qolgandik, lekin biz rejaga sodiq qolishda davom etdik - bu jamoaning kuchli ruhidan dalolat beradi.

Men [hozirgidan] yaxshiroq o‘ynay olaman. Mavsum boshida olingan jarohat ritmni buzdi", dedi gol va golli uzatmani amalga oshirgan Solanke TNT Sports telekanaliga bergan intervyusida.