"Тоттенхэм" ҳужумчиси Доминик Соланке жамоасининг Европа лигаси доирасида "Қорабоғ"га қарши ўйиндаги (3:0) ҳаракатлаидан мамнун.
7-дақиқада "шпорлар" камчиликда қолди - ҳимоячи Раду Драгушин қизил карточка олди. Шунга қарамай, Анге Постекоглу шогирдлари меҳмонлар дарвозасига жавобсиз учта гол уришди.
"Ғалаба қозонганимдан хурсандман, йигитлар бор кучлари билан курашдилар. Учрашув жуда қийин кечиши мумкин эди, чунки биз ўн киши қолгандик, лекин биз режага содиқ қолишда давом этдик - бу жамоанинг кучли руҳидан далолат беради.
Мен [ҳозиргидан] яхшироқ ўйнай оламан. Мавсум бошида олинган жароҳат ритмни бузди", деди гол ва голли узатмани амалга оширган Соланке TNT Sports телеканалига берган интервьюсида.
