Kilian Mbappe Madrid derbisiga tomoshabin sifatida kela olmaydi.

25 yoshli forvard so‘nggi o‘yinda olgan jarohati sabab "Atletiko Madrid" bilan safar o‘yinini o‘tkazib yuboradi. L’Equipe xabariga ko‘ra, fransiyalik futbolchi o‘yinni "Matraschilar" stadionida tomosha qilmoqchi bo‘lgan, ammo "Real" yulduz futbolchini tribunada yuzaga kelishi mumkin bo‘lgan hodisalardan himoya qilish maqsadida unga buni taqiqlagan.

Yakshanba kuni La Liganing 8-turi doirasida "Atletiko" va "Real" o‘rtasidagi uchrashuv bo‘lib o‘tadi.