"Bavariya" futbolchisi Kingsli Koman Vensan Kompani kelganidan so‘ng jamoa o‘yinida yuz bergan o‘zgarishlar haqida o‘z fikri bilan o‘rtoqlashdi.
"Menimcha, biz hozir birdek ishlayapmiz. Hujumchi o‘yinchilar himoyada ishlaydi, himoyachilar esa bizga hujum qilishda yordam beradi. Biz o‘tgan mavsumda yetishmayotgan yuqori shiddat bilan o‘ynayapmiz.
Jamoa ko‘p yuguradi va ajoyib natijalar ko‘rsatmoqda. Mavsum davomida bir xil ruhda davom etishimiz kerak. Oldinda juda ko‘p o‘yinlar borligini bilamiz, ammo biz yaxshi boshlashga muvaffaq bo‘ldik. Biz boshlagan ishimizni davom ettirish uchun hamma narsani qilamiz", dedi Koman.
