"Бавария" футболчиси Кингсли Коман Венсан Компани келганидан сўнг жамоа ўйинида юз берган ўзгаришлар ҳақида ўз фикри билан ўртоқлашди.

"Менимча, биз ҳозир бирдек ишлаяпмиз. Ҳужумчи ўйинчилар ҳимояда ишлайди, ҳимоячилар эса бизга ҳужум қилишда ёрдам беради. Биз ўтган мавсумда етишмаётган юқори шиддат билан ўйнаяпмиз.

Жамоа кўп югуради ва ажойиб натижалар кўрсатмоқда. Мавсум давомида бир хил руҳда давом этишимиз керак. Олдинда жуда кўп ўйинлар борлигини биламиз, аммо биз яхши бошлашга муваффақ бўлдик. Биз бошлаган ишимизни давом эттириш учун ҳамма нарсани қиламиз", деди Коман.