"Inter" yarim himoyachisi Davide Frattezi jamoadoshi Lautaro Martinesni qo‘llab-quvvatladi.
Argentinalik hujumchi “Udineze”ga qarshi bahsda dubl qayd etib, “neradzurri”ga g‘alaba keltirdi (3:2).
"O‘tgan mavsumda biz Lautaroning sa’y-harakatlari evaziga Skudettoni qo‘lga kiritdik. U gol urishi mumkin, u doim bor, lekin undan har bir o‘yinda gol urishini kutolmaysiz. U o‘tgan mavsumda juda ko‘p o‘yin o‘tkazdi, ammo mavsumoldi tayyorgarliklarimizda qatnashmadi, bu esa, albatta, unga yordam bermadi. Endi u formasini olishda davom etmoqda. Bu hali boshlanishi", dedi Frattezi.
