"Интер" ярим ҳимоячиси Давиде Фраттези жамоадоши Лаутаро Мартинесни қўллаб-қувватлади.
Аргентиналик ҳужумчи “Удинезе”га қарши баҳсда дубл қайд этиб, “нерадзурри”га ғалаба келтирди (3:2).
"Ўтган мавсумда биз Лаутаронинг саъй-ҳаракатлари эвазига Скудеттони қўлга киритдик. У гол уриши мумкин, у доим бор, лекин ундан ҳар бир ўйинда гол уришини кутолмайсиз. У ўтган мавсумда жуда кўп ўйин ўтказди, аммо мавсумолди тайёргарликларимизда қатнашмади, бу эса, албатта, унга ёрдам бермади. Энди у формасини олишда давом этмоқда. Бу ҳали бошланиши", деди Фраттези.
