Yozgi transfer oynasida hujumchi Kilian Mbappe erkin agent sifatida «PSJ»dan «Real»ga o‘tdi.

Foot Mercato nashrining xabar berishicha, parijliklar jamoasining ba’zi futbolchilari Kilian Mbappe va uning atrofidagilarning ketishidan xursand bo‘lishdi.

Bu futbolchilarning fikricha, Mbappe va uning yaqinlari klubda keskinlikni yuzaga keltirgan. Qayd etilishicha, «PSJ»ning ayrim futbolchilari atrofidagilar Kilian Mbappening onasi Faiza Lamarini «zolim» deb ta’riflashgan. Ma’lumki, o‘g‘lining ishlarini Lamari boshqaradi.