Hindistonda og‘ir atletika bo‘yicha musobaqaga doping-ofiserlar kelishini eshitgan 219 nafar sportchi bahslarda qatnashmaydigan bo‘ldi.
Chempionat Uttar-Pradesh shtatining Modinagar shahrida bo‘ldi. Musobaqa boshlanishiga oz vaqt qolganda atletlarga mamlakat antidoping agentligi xodimlari kelishi haqida xabar berishdi. Yakunda esa ro‘yxatdan o‘tgan 519 nafar sportchining 219 nafari musobaqada qatnashishdan bosh tortdi.
Odatda shtatlar darajasidagi bahslarda antidoping tekshiruvlari o‘tkazishmasdi.
Ishtirokchilarning kamayib ketgani sababli ba’zi vazn toifalarida bellashuvlar o‘tkazilmadi yoki 1-2 nafar qatnashchi ishtirokida bo‘lib o‘tdi.
