OFK Elit chempionlar ligasi G‘arb mintaqasida 2-tur yakunlandi. "Paxtakor" 1 ochko bilan 8-o‘rinni egallab turibdi. Klublar guruh bosqichida yana 6tadan o‘yin o‘tkazishadi. Dastlabki 8 ta o‘rinni egallagan jamoa pley-off bosqichiga chiqadi.

Nimchorak finalga qur’a tashlanmaydi, balki quyidagi juftliklar hosil qilinadi:

1-o‘rin — 8-o‘rin
2-o‘rin — 7-o‘rin
3-o‘rin — 6-o‘rin
4-o‘rin — 5-o‘rin.

"Paxtakor" keyingi bosqichda kuchli raqibga duch kelmasligi uchun yuqoriroq o‘rinni egallagani yaxshi. 1/8 final bosqich 2 ta o‘yindan iborat bo‘ladi.

Guruhlardagi o‘rinlar esa quyidagi tamoyillar asosida aniqlanadi:

1) ochkolar soni;
2) to‘plar farqi;
3) gollar soni;
4) g‘alabalar soni;
5) ko‘rsatkichlar bir xil bo‘lib qolgan ikki jamoa so‘nggi turda o‘zaro to‘qnash kelib qolgan bo‘lsa, penaltilar tepiladi;
6) "halol o‘yin" qoidasi (sariq va qizil kartochkalar hisob-kitob qilinadi);
7) qur’a.

"Paxtakor"ning guruh bosqichidagi qolgan o‘yinlari:

21 oktyabr. "Ash-SHorta" (Iroq) - "Paxtakor"
4 noyabr. "Paxtakor" - "Ar-Rayyan" (Qatar)
25 noyabr. "Istiqlol" (Eron) - "Paxtakor"
3 dekabr. "Paxtakor" - "Al-Ayn" (BAA)
3 fevral. "Al-G‘arafa" (Qatar) - "Paxtakor"
17 fevral. "Paxtakor" - "As-Sadd" (Qatar).