ОФК Элит чемпионлар лигаси Ғарб минтақасида 2-тур якунланди. "Пахтакор" 1 очко билан 8-ўринни эгаллаб турибди. Клублар гуруҳ босқичида яна 6тадан ўйин ўтказишади. Дастлабки 8 та ўринни эгаллаган жамоа плей-офф босқичига чиқади.

Нимчорак финалга қуръа ташланмайди, балки қуйидаги жуфтликлар ҳосил қилинади:

1-ўрин — 8-ўрин
2-ўрин — 7-ўрин
3-ўрин — 6-ўрин
4-ўрин — 5-ўрин.

"Пахтакор" кейинги босқичда кучли рақибга дуч келмаслиги учун юқорироқ ўринни эгаллагани яхши. 1/8 финал босқич 2 та ўйиндан иборат бўлади.

Гуруҳлардаги ўринлар эса қуйидаги тамойиллар асосида аниқланади:

1) очколар сони;
2) тўплар фарқи;
3) голлар сони;
4) ғалабалар сони;
5) кўрсаткичлар бир хил бўлиб қолган икки жамоа сўнгги турда ўзаро тўқнаш келиб қолган бўлса, пенальтилар тепилади;
6) "ҳалол ўйин" қоидаси (сариқ ва қизил карточкалар ҳисоб-китоб қилинади);
7) қуръа.

"Пахтакор"нинг гуруҳ босқичидаги қолган ўйинлари:

21 октябрь. "Аш-Шорта" (Ироқ) - "Пахтакор"
4 ноябрь. "Пахтакор" - "Ар-Райян" (Қатар)
25 ноябрь. "Истиқлол" (Эрон) - "Пахтакор"
3 декабрь. "Пахтакор" - "Ал-Айн" (БАА)
3 февраль. "Ал-Ғарафа" (Қатар) - "Пахтакор"
17 февраль. "Пахтакор" - "Ас-Садд" (Қатар).