Anje Postekogluning fikricha, "Tottenxem"ning o‘yini yaxshilanmoqda.

“Shporlar” Yevropa ligasining 2-turida “Ferensvarosh”ni mag‘lub etdi (2:1) va g‘alabali seriyasini 5 ta o‘yinga yetkazdi.

“Men juda xursandman. Yevrokuboklarda o‘ynash har doim qiyin. Bugun muhit qanday ekanini ko‘rdingiz, juda ko‘p nyuanslar bor edi, jumladan, to‘rt nafar yosh futbolchi asosiy tarkibda o‘ynadi.

O‘ylaymanki, butun jamoa juda yaxshi harakat qildi va uchrashuvning katta qismida o‘yinni nazorat qildik. Bizda gol urish uchun yaxshi imkoniyatlar bo‘ldi, yakunda gol o‘tkazib yuborganimiz achinarli.

Qisman chidamlilik tufayli o‘yinimiz yaxshilanib borayotganini inkor etib bo‘lmaydi. G‘alaba qozonsang, bu ajoyib tuyg‘u bo‘ladi", - dedi “Tottenxem” bosh murabbiyi.