"Manchester Yunayted" rahbariyati jamoa bosh murabbiyi Erik ten Xag o‘rniga asosiy nomzod bo‘yicha qaror qabul qildi, deb xabar beradi TEAMtalk.
Manba bergan xabarga ko‘ra, "qizil iblislar" bosh murabbiylikda Tomas Tuxelni ko‘rmoqchi. Qayd etilishicha, 51 yoshli germaniyalik mutaxassis Premyer-ligaga qaytishga tayyor va ingliz futboli uning murabbiylik falsafasiga juda mos keladi, deb hisoblaydi.
Tuxel 2023/24 yilgi mavsum oxirida "Bavariya"ni tark etgan va hozirda ishsiz. Bungacha u "Chelsi", "PSJ", "Borussiya" va boshqa jamoalarni boshqargan.
