"Lill"ning yosh darvozaboni Lyuka Shevalye yaqinda "Real" futbolchilarining barcha zarbalarini qaytardi. Bu uning jamoasiga sensatsion tarzda g‘alaba qozonishiga yordam berdi. O‘zining munosib statistikasiga qaramay, darvozabon hali ham terma jamoaga chaqiruv olmayapti.
Fransiya terma jamoasi bosh murabbiyi Didye Desham matbuot anjumanida nima uchun boshqa futbolchilarga ishonishga qaror qilganini tushuntirib berdi.
"U chaqiruvga tobora yaqinlashmoqda. Uning imkoniyatlarini tushunishim uchun "Real Madrid" o‘yini menga kerak emas edi. Ertami-kechmi u shu yerda bo‘ladi. Demak, uch nafar darvozabonimiz o‘z saviyasini saqlab qolishlari kerak", - dedi murabbiy.
