O‘zbekiston futzal milliy terma jamoasi yordamchi murabbiyi Bahodir Ahmedov yurtimizda o‘tayotgan futzal bo‘yicha JCH haqida gapirdi.
"Yurtimizda o‘tayotgan futzal bo‘yicha JCH biz uchun katta bayram. Davlatimiz rahbari va futbol fedarasiyamizga bunday katta turnirni tashkil etib bergani uchun rahmat aytib qolaman. Bunday katta musobaqani qo‘lga kiritish oson emas.
Ushbu jahon chempionati bizning yosh futzalchilarimizga katta turtki beradi va ulkan tajriba bo‘ladi deb o‘ylayman.
Ispaniya va Braziliya kabi kuchli terma jamoalarga qarshi o‘yin o‘tkazish har bir o‘yinchi va murabbiyga zavq bag‘ishlaydi. Umid qilamanki, bu kabi o‘yinlarni ko‘paytiramiz", – dedi Ahmedov.
