"Barselona"ning sobiq bosh murabbiyi Xavi Ernandes "Manchester Yunayted" bosh murabbiyligiga nomzodlardan biri.
Ingliz giganti rahbariyati Erik ten Xag o‘rnini egallashi mumkin bo‘lgan variantlarini qidirmoqda, u tez orada ishdan bo‘shatilishi mumkin. Managing Barca xabariga ko‘ra, Xavi "qizil iblislar"ning qisqa ro‘yxatiga kiritilgan. Manbaga ko‘ra, "Yunayted"ning xo‘jayinlaridan biri Jim Retkliff ispaniyalik murabbiy variantini ma’qul ko‘radi va agar jamoaning hozirgi murabbiyi ishdan bo‘shatilsa, uni ishga ko‘ndirishga harakat qiladi.
Xavi Ernandes avvalroq "Barselona"da ishlagan va o‘tgan mavsum yakunlanganidan keyin uni tark etgandi.
