«Vilyarreal» vingeri Yeremi Pino Dani Karvaxalning jarohati bilan bog‘liq epizoddan so‘ng «Real Madrid»ning kiyinish xonasiga bordi.

21 yoshli futbolchi o‘ng qanot himoyachisiga yetkazilgan jarohatdan juda afsusda. Voqea "Los-Blankos"ning 2:0 hisobidagi g‘alabasi bilan yakunlangan o‘yin oxirida sodir bo‘ldi. Jurnalist Arancha Rodrigesning yozishicha, final hushtagi yangraganidan so‘ng Pino Karvaxalni ko‘rish uchun «Real»ning kiyinish xonasiga tashrif buyurgan. «Sariq suv osti kemasi»ning yosh futbolchisi hissiyotlarini yashirib tura olmadi.