Madridning “Real” klubi yarim himoyachisi Jud Bellingem jamoadoshi Dani Karvaxalga murojaat qildi. Karvaxal shanba kuni La Liga doirasida "Vilyarreal"ga qarshi o‘yinda tizzasidan jiddiy jarohat oldi.
"Kuchli bo‘l Dani, biz seni yaxshi ko‘ramiz!" – deb yozdi Bellingem ijtimoiy tarmoqda.
Jarohat olgan kunning ertasiga "Real Madrid" Dani Karvaxal bilan shartnomani yana bir mavsumga 2026 yilning o‘rtalariga qadar uzaytirishini e’lon qilgandi.
Madridning “Real” klubi ayni damda Ispaniya La Ligasi turnir jadvalida ikkinchi o‘rinda bormoqda. Karlo Anchelotti jamoasi “Barselona”dan 3 ochko ortda qolmoqda.
