Мадриднинг “Реал” клуби ярим ҳимоячиси Жуд Беллингем жамоадоши Дани Карвахалга мурожаат қилди. Карвахаль шанба куни Ла Лига доирасида "Вильярреал"га қарши ўйинда тиззасидан жиддий жароҳат олди.
"Кучли бўл Дани, биз сени яхши кўрамиз!" – деб ёзди Беллингем ижтимоий тармоқда.
Жароҳат олган куннинг эртасига "Реал Мадрид" Дани Карвахаль билан шартномани яна бир мавсумга 2026 йилнинг ўрталарига қадар узайтиришини эълон қилганди.
Мадриднинг “Реал” клуби айни дамда Испания Ла Лигаси турнир жадвалида иккинчи ўринда бормоқда. Карло Анчелотти жамоаси “Барселона”дан 3 очко ортда қолмоқда.
